سمبرعبدالباقى والارجوز

**نجم اللبان** الثلاثاء أكتوبر 20, 2009 2:06 am

بلادنا طول عمرها متقسمة ولايات
لكل مملوك ولاية فنطزه و كرامات
و الوالى من حقه يتحكم فى حكامها
و يوم حكمها الشاويش بقىم لواءات
..فسلموها نهيبة_للكويز و الجات
الأحد، الساعة 09:45 مساءً‏ ·
على بال ما صحصح و لف العمة و أتنحنح
ضرب له كام فتوى باسم الشرع و أتبحبح
هبطت علية العطايا شيكات على حوالات
و النفط حالات اما ياخد راحته بيرحرح
..
و يحب شطح الفتاوى حين يعوز يدبح
الأحد، الساعة 09:36 مساءً‏ ·
الناس فى الشارع مش هيه اللى كنت عارفها
كان فى رقه و حنيه و كلام طيب على شفايفها
دلوقتى عيونهم يا تحشك يا تغشك تغدر بيك
و عاديك..أصبحت كأنى اللى عملت ظروفها
..
مع إنى مغنى هرسنى اللحن و غرقنى قرفها
السبت، الساعة 03:52 صباحاً‏ ·
إياك تقولى الثقافه هتف على قبرك
كان فين ثقافة يقيس أفكارها طول صبرك
راسم ملامحها خلق أحبالها فى ودانها
نايمة على بطونها للى يبت فى أمرك
..
ح تهد قبة مقامك ينقطع ندرك
السبت، الساعة 03:50 صباحاً‏ ·
‎‎‎ حدك
الحرب مش خدعة بس _ الحرب حلم و خططفوق قلعة القاهرة و على قبة الاهرام
نشر قصيدته بحبال على الريح كما الاعلام
زغروطه يا أم الهنا _ الواد رجع شاعر
ع العين يا تاجر لاقينا القافيه اى كلام
..
و الشعر لو يوم يخاصمك ..تنشف الأقلام
السبت، الساعة 03:49 صباحاً‏ ·
من كتر خوفك على نفسك نسيت نفسك
جعلت يأسك مراية لأمنيات يأسك
خايف يا ظالم و ناكر طبعك الخواف ياللى أنت طالب العداله أحكى على قدك
أنظر و عيد النظر و ألزم حدود
ما تكونش زى القطط_بالخربشه ردك
..
لو قيست موج العدو ,جزرك يصون مدك
السبت، الساعة 03:47 صباحاً‏ ·
و قانون تاريخى ح تفهم سره يوم حبسك
الرعب إنصاف عشان بكره كره أمسك
..

09 أكتوبر، الساعة 04:17 صباحاً‏ ·
كترت خناقات الصغار فى البلد
و كإن كله انسخط من تانى اصبح ولد
لا سن و لا خبرة و الأغلب مالهش كبير
كله صغير قد حلمه صار مجرد عدد
..
لا حول و لا قوه _ المصرى البديع احسد

09 أكتوبر، الساعة 04:08 صباحاً‏ ·
بكرة تركب وتورث يا بطل وتخش
خليك ساعتها حنين خف لما تقش
ضهر البنات انكسر والجرن كسه الريح
وانا جريح والوطن بصراحة محتاج دش
****
مرعوب تشرع له خطة - لما ألم .. ح ارش
06 أكتوبر، الساعة 10:00 مساءً‏ ·
مكفى على الاوراق تلف تدور
كما نحلة عامية غواها فى الظلام النور
سفحت دم وعرق ودموع قصايد شعر
كان احلا من كل ده تنزع حجر م السور
***
جبار عدوك فهم إنك بتحلب .. طور
05 أكتوبر، الساعة 12:07 مساءً‏ · إبلاغ‎‎‎Samir Abd Albaki‎‎‎ أنا اللى عودنى الحماسة فى السياسة زكى مراد
و اللى عكمنى الكياسة فى الفنون حسن فؤاد
غير الرفاعى و ابوك سليم و عبد ربة و أخوك ميشيل
أما ميت سلسيل فأعطتنى بقلبها صك اعتماد
..
و لذا تلاقونى مهما دار بيه الزمن حافظ الميعاد
04 أكتوبر، الساعة 02:29 صباحاً‏ ·
داخلين طابور لجل طبق الفول ح يتعشوا
من بعد جرى النهار فى الصهد يتغشوا
بواقى طبع الصعايدة مكتفة إيديهم
بكرة تلاقيهم فى سوق الغابة بيقشوا
..
مش كلهم ..لأ .. كتير منهم بيشحشوا
02 أكتوبر، الساعة 09:38 مساءً‏ ·i
اكبر هدف للحياة هو انتظار الموت
ومقاومته بالصراع لجل الشراب والقوت
وانظر بزور النبات حين تندفن فى الطين
اكيد الى حين ماتصحى تخضر الملكوت
****
حكمة ماتفوتش الا اللى عماه جبروت
30 سبتمبر، الساعة 08:57 صباحاً‏ ·
لابسين من البالة عرة نفاية الخواجات
مع انهم ع الكراسى مجعصوين بشوات
والفقر مش عيب لكن فقر النفوس شينة
فى بلاد حزينة اما تفرح .. تغنى للأموات
***
وتبات على لحم خوفها فى اغلب الأوقات
28 سبتمبر، الساعة 09:10 صباحاً‏ ·
حدش فاكر توشكا ؟
--------
ياللى انت خفية بايع توشكا لملوك الجاز

جابت لنا الكافية و انت حاسبها م الانجاز

يا هلترى بكرة لما يفوقوا .. أحفادنا

يلقوا بلدنا ولاية بين ( يمن )و ( حجاز )؟
..
و يبقى يومها شيخ الازهر حفيد ( بن باز )؟
26 سبتمبر، الساعة 07:42 صباحاً‏ · إبلاغ