كفانا ابناء العاملين

والله الذى لا اله غيره مصر بلدنا عزيزه علينا وبنحبها وهى احسن بلد فى العالم مش كلام دى حقيقه بس من غير ابناء العاملين ياريت يا سياده الرئيس المبجل مبارك تصدر قرار تلغى فيه ابناء العاملين ورساله خالصه لوجه الله يا ريس اكسر الحاجز الفولازى اللى بينك وبين شعبك وناسك وافتح بابك ليهم عشان تعرف معانتهم ومأسيهم الدنيا مش مفروشه ورد ذى ما واصلك الصوره فخمتك دى من عيون الساده اللى فحلوا وامتلأت كروشهم بأموال البلد أغتصبوها ونهبوها من غير وجه حق والله يا ريس حبك فى قلوب الناس بس معكر صفو هذا الحب الحكومه يا ريس
يا ريس البلد اصبحت ملك عدد من العاملين وابنائهم وباقى الشعب مش عارف يتنفس الهواء لانه مش من حقه يتنفس الا بعد ما يعيشوا أصحاب البلد ويانتخوا يا ريس فى ناس فحلوا وكروشهم كبرت منين ده يا ريس وأصبحوا بيضيعوا الاموال على الراقصات والمغنيات من خارج هذا البلد اللى بيدفع كام مليون عشان يموت واحده نزوه واللى دفع كام فيلا وكام مليون عشان نزوه اخرى مع واحده واللى عمل فرح لواحده بكام مليون لواحده اخرى من اين كل هذه الملايين ياريس من خير بلدنا ياريس
ولا بلدنا خيرها كتير بس للغنى مش للفقير
والله يا ريس شعبك محتاج نظره منك عشان بيحبوك ومقدرين انجازاتك وياريت يا ريس تطهر البلد من اللى واكلين خيرها وتصادر الاموال المسلوبه من البلد وتعيد توزيع هذه الثروات من جديد على مستحقيها
وربنا يوفقك يا ريس